ព្រឹទ្ធាចារ្យ ញ៉ូវ ម៉ាក់ ទោះវ័យចាស់ជរាហើយក្ដី ប៉ុន្តែនៅឆ្លៀតមកបង្ហាត់ បង្ហាញ ស្ដីប្រដៅ សិស្សគុនក្នុងក្លឹបតាឡី ព្រោះមើលឃើញពីភាពខ្វះចន្លោះ និងការធ្វេសប្រហែសពេលហ្វឹកហាត់។
បើតាមការឡាយវីដេអូរបស់ ផល សោភ័ណ្ឌ និងបានសាកសួរផ្ទាល់មាត់ទៅកាន់ព្រឹទ្ធាចារ្យ ញ៉ូវ ម៉ាក់ គឺបានបញ្ជាក់ថា បារម្ភពីការហ្វឹកហាត់ខុសពីក្បួន ចង់ជួយបង្ហាត់កូនសិស្សតូច ព្រោះគ្រូរវល់ច្រើនជាប់បុកបង្ហាត់ផ្សេងៗត្រូវប្រកួតជាដើម។ មួយវិញទៀតចង់កែក្បាច់សិស្សដែលហាត់ខុសៗឲ្យត្រឹមត្រូវវិញ និងស្ដីប្រដៅឲ្យខំប្រឹងយកចិត្តទុកដាក់លើការហ្វឹកហាត់។
ចំណុចសំខាន់ៗខាងលើនេះហើយទើបធ្វើឲ្យព្រឹទ្ធាចារ្យក្បាច់គុនឆ្លៀតមកបង្ហាត់សិស្ស ឬអង្គុយមើលសិស្សហាត់ស្ទើរគ្រប់ពេល ទោះវ័យច្រើន និងមានជំងឺផ្ទាល់ខ្លួនក៏ដោយ។ បញ្ជាក់ដែរថា ព្រឹទ្ធាចារ្យ ញ៉ូវ ម៉ាក់ ជាគ្រូប្រដាល់ជើងចាស់ដែលបានបណ្ដុះបណ្ដាលធនធានកីឡាករជាច្រើន។ គ្រូតាជាម្ចាស់ក្លឹបប្រដាល់តាឡីដំរីមានរិទ្ធដែលមានទីតាំងនៅសង្កាត់ដង្កោ រាជធានីភ្នំពេញ៕
តេស្ត
