ឆ្នេរសមុទ្រក្រុងព្រះសីហនុ រមណីយដ្ឋានឆ្នេរសមុទ្រក្រុងព្រះសីហនុឬកំពង់សោម ស្ថិតនៅក្នុងខេត្តព្រះសីហនុ ជាតំបន់ទេសចរណ៏គួរអោយចាប់អារម្មណ៏បំផុតនៅក្នុងខេត្តនេះ។
ក្រុងព្រះសីហនុ ជាកន្លែងដែលគួរអោយ ចាប់អារម្មណ៍ណាស់ សំរាប់ភ្ញៀវទេសចរជាតិ និងភ្ញៀវទេសចរអន្តរជាតិ ។
ឆ្នេរអូរឈើទាល ជាឆ្នេរមួយដែលមានសោភ័ណ្ឌភាពស្រស់ស្អាត ស្ថិតនៅក្នុងខេត្តព្រះសីហនុ ។
ឆ្នេរនេះមានភាពទាក់ទាយនិងល្បីល្បាយជាខ្លាំងនៅក្នុងព្រះរាជាណាចក្រកម្ពុជាយើង ។ក្នុងមួយឆ្នាំៗឆ្នេនេះអាចទាក់ទាយភ្ញៀវទេសចរណ៏បានរាប់រយពាន់នាក់ចូលមកទស្សនានៅក្នុងក្រុងព្រះសីហនុដែលជាចំនែកមួយក្នុងការជួយអភិវឌ្ឍន៍ដល់កំនើនសេដ្ឋកិច្ចជាតិ ។អូរឈើទាលជាតំបន់ឆ្នេរមួយដែលមានទេសភាពធម្មជាតិស្រស់ល្អបំព្រងគួរអោយចាប់អារម្មណ៏ក្រៃលែង ។
ឆេ្នរឯករាជ្យ ក៏ជាឆ្នេរមួយដែលមានភាពស្រស់ស្អាត ហើយក៏មានភ្ញៀវទេសចរណ៏ទៅលេងកំសាន្ត នៅទីនោះច្រើនកុះករដែរ ។ ឆ្នេរឯករាជ្យខាងលិចជាប់ ឆ្នេរហាវ៉ៃ ខាងកើតជាប់នឹងឆ្នេរសុខា ឆ្នេរឯករាជ្យមានអគារដ៏ខ្ពស់សាងសង់ឡើងជាយូរមកហើយ ហើយអគារនេះមានប្រាំពីរជាន់ ។
អូរតែលសុខា គឺជាឈ្មោះរបស់សណ្ឋារគារមួយដែលស្ថិតនៅក្នុងក្រុងព្រះសីហនុ ដែលសាងសង់ឡើងនៅជាប់តាមបណ្ដោយឆ្នេរសមុទ្រសុខា មនុស្សភាគច្រើននិយមហៅថាឆ្នេរសុខា ។ ឆ្នេរសមុទ្រសុខាគឺជាឆ្នេរសមុទ្រឯកជនមួដែលមានប្រវែង 1,5km ដែលទិសខាងកើតជាប់នឹងឆ្នេរអូរឈើទាលហើយលាតសន្ធឹងយ៉ាងវែងទៅទិសខាងលិចជាប់នឹងឆ្នេរសមុទ្រឯករាជ្យ ឆ្នេរអូរតែលប្រាំពីរជាន់ ។ សំរាប់នៅក្នុងសណ្ឋាគារសុខាគឺមានកន្លែងកំសាន្តល្អៗជាច្រើន នៅទីនោះភ្ញៀវទេសចរណ៏អាចស្នាក់នៅលេងកំសាន្តនៅក្នុងសណ្ឋាគារបាន ។ ចំពោះអ្នកដែលត្រូវការកន្លែងស្រស់ត្រកាលសំរាប់រៀបអាពាហ៏ពិពាហ៏អាចជួលដោយបង់ថ្លៃ ។ នៅទីនោះមានបំរើសេវាកម្មល្អៗ ជាច្រើនយ៉ាងរហ័សទាន់ចិត្ត ប្រសិនបើអ្នកមិនមានកន្លែងសំរាប់រៀបចំពិធីរៀបមង្គលការ អ្នកអាច ទៅតំនាក់ទំនងតាមសេចក្ដីតំរូវការ នៅក្នុងសណ្ឋារគារសុខា ។ ដោយសារនៅក្នុងសណ្ឋាគារសុខាមានភាពស្រស់ស្អាតដូចនេះហើយទបមានភ្ញៀវទរសចរណ៏ចូលទៅទស្សនាកំសាន្តជារៀងរាល់ថ្ងៃ ។ អូរតែលសុខា មានអាងហែលទឹកដ៏ល្អនៅចំកណ្ដាលហើយមានកន្លែងសម្រាកសំរាកសំរាប់ទទួលភ្ញៀវដ៏ល្អប្រណីតផងដែរ ។ នៅផ្នែកខាងក្រោយឆ្នេរសមុទ្រក៏មានផ្ទះសំណាក់ជាច្រើននឹងមានទេសភាពស្រស់ស្អាតណាស់ ។ ក្រៅពីនេះឆ្នេរសុខាក៏មានរូបសំណាកកន្ទុយនាគមួយ យ៉ាងធំដែលធ្វើឡើងនៅអែបមាត់ឆ្នេរសមុទ្រហើយក្បាលរបស់វាគេធ្វើនៅខាងក្នុងទីធ្លានៃសណ្ឋាគារសុខា ។
អូរត្រេះ គឺជាឆ្នេរសមុទ្រមួយដែលស្ថិតនៅក្នុងខេត្តព្រះសីហនុដែរវាមានសោភ័ណ្ឌភាពស្រស់ស្អាតមិនចាញ់ឆ្នេរអូរឈើទាល ឆ្នេរសុខា ឆ្នេរហាវៃ ឡើយ…..។ វាជាឆ្នេរមួយដែលភាពស្ងប់ស្ងាត់នៅក្នុងក្រុង ព្រោះវាស្ថិនៅដាច់ឆ្ងាយបន្តិច ប៉ុន្តែបច្ចុប្បន្នក៏មិនសូវស្ងាត់ ដូចពីមុនទេ ពីព្រោះដោយសារនៅទីនោះមានទេសភាពស្រស់ស្អាតមើលទៅគួរអោយអោយចង់គយគន់ក្រៃលែងហើយមានភ្ញៀវទេសចរណ៏មួយចំនួនចូលចិត្តកន្លែងស្ងប់ស្ងាត់ ក៏និយមទៅកំសាន្តនៅឆ្នេរអូរត្រេះដែរ ជាហេតុធ្វើអោយឆ្នេរ អូរត្រេះមានសភាពអូរអរជាងមុន មានភ្ញៀវទេសចរណ៏អន្តរជាតិ ទៅកំសាន្តយ៉ាងកុះករ ។ ក៏ប៉ុន្តែនៅទីនោះពុំទាន់មានភ្លើងអគ្គីនីគ្រប់គ្រាន់ នៅឡើយទេ គឺវាមានតែកន្លែងមួយចំនួន ប៉ុណ្ណោះដែលមានម៉ាស៊ីនភ្លើងប្រើប្រាស់ សំរាប់ភាពចាំបាច់របស់ពួកគេ ។ ជាមួយគ្នានេះផងដែរ នៅឆ្នេរអូរត្រេះក៏មានការជិះក្ដារបន្ទះ នៅលើទឹកហើយនិងជួលទូកកាយ៉ាក់ចែវលេង រួមទាំងមានកីឡាជិះក្ដារមានក្ដោងយ៉ាងសប្បាយរីករាយផងដែរ ។ ភាគច្រើនគឺជាភ្ញៀវបរទេសទៅកំសាន្តនៅឆ្នេរអូរត្រេះហើយភ្ញៀវទេសចរណ៏អាចធ្វើការលំហែកាយ ដោយអ្នកខ្លះជួលអូរបរ ឬពោងសំរាប់លេងទឹក ។ ភ្ញៀវទេសចរណ៏អាចធ្វើដំណើរទៅកាន់ កោះនានាផងដែរ ។
ឆ្នេរហាវៃ គឺជាឆ្នេរមួយដែលមានភាពស្រស់ស្អាតពោរពេញទៅដោយដើមម្ជុលជាតំបន់ឆ្នេរដែលមានម្លប់ត្រជាក់ល្ហឹមមានភ្ញៀវទេសចរណ៏ទៅកំសាន្តនៅទីនោះច្រើនគួរសម ។
មានទូកម៉ាស៊ីនតូចៗមួយចំនួនដែលនៅទំនេររង់ចាំភ្ញៀវទេសចរណ៏ជាតិអន្តរជាតិជួលជិះធ្វើដំណើកំសាន្តឆ្ពោះទៅកាន់កោះពស់ ។ លណ្ខណៈពិសេសនៅតាមដងបណ្ដោយឆ្នេរហាវ៉ៃមានខ្សាច់សស្អាតមិនចាញ់ឆ្នេរសមុទ្រផ្សេងៗឡើយ ។ ហើយថ្មីៗនេះគឺគេបានសាងសង់ស្ពានមួយយ៉ាងធំពីត្រើយម្ខាងនៃ ស្ពានដែលទើបតែធ្វើហើយប៉ែកដីគោកភ្ជាប់ទៅដីកោះពស់ ដែលជាកត្តាធ្វើអោយឆ្នេរហាវៃមានភាពល្បីល្បាញទាក់ទាញភ្ញៀវទេសចរណ៏កើនច្រើនថែមទៀត ។ ការធ្វើស្ពាននេះគឺដើម្បីធ្វើយ៉ាងណាអោយ តំបន់ឆ្នេរហាវៃមានក៏ដូចជាក្រុងព្រះសីហនុផ្ទាល់មានការអភិវឌ្ឍន៏ វិស័យទេសចរណ៏កើនទ្វេដែលជាឩស្សាហកម្មគ្មានផ្សែង ។អ្នកវិនិយោគទុនមានគំរោងសាងសង់សណ្ឋារគារ ផ្ទះសំណាក់ បាំងកាឡូ និងមានកន្លែងកំសាន្តជាច្រើន ផ្នែកទៀត ។ ភ្ញៀវទេសចរណ៏អាចធ្វើដំណើរកំសាន្តនៅឆ្នេរហាវ៉ៃបានយ៉ាង សប្បាយរីករាយភាភអធិកធមការជួបជុំក្រុមគ្រួសារ មិត្តភក្ដិបានគ្រប់ពេលវេលា ។
ឆ្នេរជយ័ជំនះ ជាឆ្នេរដែមានសភាពស្រស់ស្អាតនៅខេត្តព្រះសីហនុ ត្បិតថាវាមានប្រវែងខ្លី តែវាអាចទាញយកភ្ញៀវទេសចរណ៏ដែចូលចិត្តភាពស្ងប់ស្ងាត់ បានយ៉ាងច្រើន តែនៅពេលបច្ចុប្បន្ននេះឆ្នេរនេះត្រូវបាន ក្រុមហ៊ុនបរទេស(ចិន) សុំសិទ្ធិសាងសង់អគារធំៗជាច្រើន ហើយវាសឹងតែក្លាយជាឆ្នេរឯកជនទៅហើយសព្ធថ្ងៃ។
ប្រភព Wikipedia
