ជនស៊ីវិលប៉ាឡេស្ទីនជាង 1,000 នាក់នៅតែបាត់ខ្លួននៅក្រោមផ្ទះ និងអគារដែលត្រូវបានបំផ្លាញនៅក្នុងការវាយប្រហារតាមអាកាសរបស់អ៊ីស្រាអែលទៅលើតំបន់ហ្គាហ្សា នេះបើតាមការបញ្ជាក់របស់ក្រសួងការពារជនស៊ីវិលប៉ាឡេស្ទីន។
លោក Eyad Al-Bozom អ្នកនាំពាក្យក្រសួងមហាផ្ទៃដែលគ្រប់គ្រងដោយក្រុមហាម៉ាសនៅហ្គាហ្សា ក៏បានបញ្ជាក់ចំនួនមនុស្សបាត់ខ្លួននេះដែរ។
ក្រសួងសុខាភិបាលប៉ាឡេស្ទីនបាននិយាយនៅថ្ងៃនេះថាយ៉ាងហោចណាស់ប្រជាជនប៉ាឡេស្ទីន 2,750 នាក់ត្រូវបានសម្លាប់ និង 9,700 នាក់បានរងរបួសចាប់តាំងពីថ្ងៃទី 7 ខែតុលា នៅតំបន់ហ្គាហ្សា ដោយបន្ថែមថាមនុស្ស 58 នាក់បានស្លាប់ និងជាង 1,250 នាក់ទៀតបានរងរបួសនៅតំបន់ West Bank ។
ក្នុងចំណោមពួកគេ មានអ្នកកាសែតប៉ាឡេស្ទីន ១១នាក់ នេះបើតាមក្រុមអ្នកកាសែតប៉ាឡេស្ទីន។